करिअर फक्त दहावी आणि बारावीपुरतं मर्यादित राहिलेल नाही.

करिअर फक्त दहावी आणि बारावीपुरतं मर्यादित राहिलेल नाही. आज वयाच्या चाळीशीतसुद्धा आपल्याला काही तरी नवीन करावसं वाटतं, कारण आधी वाट चुकलेली असू शकते.

करिअर फक्त दहावी आणि बारावीपुरतं मर्यादित रहिलेल नाही. आज वयाच्या चाळीशीतसुद्धा आपल्याला काही तरी नवीन करावसं वाटतं, कारण आधी वाट चुकलेली असू शकते.

जितकी माणसं तितके स्वाभाविक कल आणि व्यक्तिमत्त्वं, प्रत्येकाचे निरनिराळे प्रश्न व समस्या. म्हणून याविषयी काम करणाऱ्या नवनवीन स्टार्टअप्सची मागणी ही वाढतच जाणार. तिथं आज तरूणांनी एक नव्या विचाराने काम करणं गरजेचं आहे…

दहावी, बारावी, डिग्री, डिप्लोमा किंवा आज प्रत्येक अभ्यासक्रमासाठी द्यावी लागणारी प्रवेश परीक्षा – या सगळ्यांना हवे आहेत फक्त मार्क्स…

आज कुठल्याही चांगल्या कॉलेजचा प्रवेश घ्या, ९० टक्यांपुढे मार्क्स असल्याशिवाय अ‍ॅडमिशनचा फॉर्मदेखील मिळेल का यात शंका आहे. आज आपल्याकडे शंभर पदव्या आणि हजारो कोर्सेस आहेत पण त्यांच्या प्रवेशासाठी हवे आहेत.

फक्त मार्क्स! नाहीतर लाखो रुपयांची देणगी. यात करिअर नियोजनाच्या या प्रयत्नात असलेले पालक आपल्या मुलांची बलस्थाने, स्वाभाविक कल, व्यक्तिमत्त्व क्षमता व त्यांची आवड काय आहे याचा विचार देखील करु शकत नाहीत ही आजची खरी गंभीर समस्या आहे. We all are victims of the age old education system. म्हणून आपल्याकडे डिग्री किंवा डिप्लोमा मिळतो पण आपल्या मुलांना हवी ती डेस्टिनी मिळत नाही हे देशाचं मोठं दुर्दैव आहे.

मागील भागात करिअर नियोजनासाठी मार्ग दाखवणाऱ्या आयड्रीम या करिअरविषयी कार्यरत असलेल्या स्टार्टअपची आपण माहिती घेतली. या भागात विद्यार्थ्यांची नेमकी क्षमता व त्याची आवड ओळखून त्यानुसार त्यांच्यासाठी सर्वोत्तम करिअरचा नकाशा काढून देणाऱ्या मॅप माय टॅलेंट अर्थात एमएमटी या आगळ्यावेगळ्या स्टार्टअपविषयी आपण जाणून घेणार आहोत.

१४ ते २१ वयोगटातील किशोरवयीन विद्यार्थी डोळ्यासमोर ठेवून हा कॉम्पुटर प्रोग्राम विकसित करण्यात आला असून या स्टार्टअपचे जनक आहेत रोहित सेहगल, डॉ. अनुभूती सेहगल आणि डॉ. इतिश्री मिश्रा. रोहित यांना व्यवसायविकासाच्या क्षेत्रातील १४ वर्षांचा अनुभव आहे. अनुभूती यांची मानवी संसाधने या विषयातील डॉक्टरेट आहे.

तर इतिश्री मिश्रा व्यावहारिक मानसशास्त्र या विषयातील तज्ञ आहेत. गेली १० वर्षांहून अधिक काळ हे तिघेजण विद्यार्थ्यांना करिअर निवडीबद्दल समुपदेशनाच्या माध्यमातून मार्गदर्शन करीत आहेत. ऑफलाईन यश संपादन केल्यानंतर करिअर समुदेशनाची सेवा ऑनलाईन उपलब्ध करून देण्याच्या उद्देशाने या त्रयीने ‘मॅप माय टॅलेंट’ (एमएमटी) हा आगळावेगळा प्रोग्राम विकसित केला आहे.

दोन वर्षांपूर्वी एमएमटीच्या टीमने शाळांमधून बी-टू-बी म्हणजे बिझनेस टू बिझनेस या मॉडेलपासून सुरुवात केली. सहा महिन्यांपूर्वी त्यांनी बी-टू-सी म्हणजे बिझनेस टू कस्टमर क्षेत्रात ऑनलाईन रिटेलच्या मार्गाने प्रवेश केला. एमएमटीचा असा दावा आहे की, आजपर्यंत जवळपास ७० हजार विद्यार्थ्यांनी त्यांच्याकडे नावनोंदणी केली असून यात पैसे देऊन उत्पादन सेवा विकत घेणाऱ्यांची संख्या वाढत आहे.

एमएमटी सध्या ४० शाळांबरोबर काम करत असून आनंद लुनिआ यांच्या इंडिया कोशंट (India Quotient) आणि सशा मिरचंदानी यांच्या काए कॅपिटल (Kae Capital) या कंपन्यांचे त्यांना आर्थिक पाठबळ आहे. इंडिया कोशंटचे एक गुंतवणूकदार मधुकर सिन्हा या प्रॉडक्टविषयी म्हणतात, ‘एमएमटीकडे असाधारण प्रतिभा असलेल्या व्यक्तींचा संच आहे. जेव्हा आम्ही त्या कंपनीत गुंतवणूक करण्याचा निर्णय घेतला तेव्हा त्यांच्याकडे उत्पादन तयारच होते.

आम्ही ते ऑनलाईन खरेदी करून त्यांची श्रेणी वाढवली. हीच आमची मुख्य ‘व्हॅल्यू अॅडिशन’!’’ मल्टीपल नेचर्स, मेरा करिअर माईंड यांसारखे आणखी काही स्पर्धक करिअर मार्गदर्शनाच्या क्षेत्रात असले तरी विषयावर हुकुमत असलेले तज्ज्ञ संच आणि व्यवसायात आधीपासून घेतलेली आघाडी या भरवशावर एमएमटीला स्पर्धेची मुळीच भीती वाटत नाही.